LRT giust atbolstu sižetu izveidei latgalīšu volūdā

Da ituo goda beigom storp Latgolys reģionaluos televizejis (LRT) veiduotīm ziņu sižetim par aktualitatem dažaiduos nūzarēs, veiksmis i personeibu stuostim byus īkļauti pīci sižeti latgalīšu volūdā. Tys zeimej, ka latgalīšu volūdu turpmuok dzierdēsit i redzēsit bīžuok na tikai intervejuos, bet ari žurnalistu aizkadra tekstūs.

            Atbolsts sižetu izveidei tīši latgalīšu volūdā giuts Latvejis Vaļsts mežu i Vaļsts kuļturkapitala fonda atbaļsteitajā “Latgolys kuļturys programmys 2019” projektu konkursā.

           Foto: Roberts Kalniņš

Žurnalistis Ausmys Spruktis raksteitīs projekts “Latgolys kuļtura = identitate, volūda, jaunrade TV ekranā” konkursā sajēme finansejumu 1861 eiro apmārā i paredz sižetu latgalīšu volūdā izveidi par ituo poša konkursa citim pīcim laureatim, kas itūgod Latgolā organizēs interesantus pasuokumus, akcejis, radeis jaunys izruodis ci gruomotys, veicynuos muokslys i tradiceju saglobuošonu i atteisteibu.

            Kūpumā konkursam beja īsnāgts 131 projekts, nu tīm atbaļsteiti gondreiž 70 projekti ar kūpejū finansejumu 124 500 eiro.

            LRT veoduotūs sižetus latgalīšu volūdā redzēsit ziņu raidejumūs, kū kasdīnā puorraida kanāli Re:TV i Rīga TV24, kai ari pec puorraides tūs varēs atrast LRT škārsteikla sātys lopā www.lrtv.lv i uzjāmuma lopuos socialajūs teiklūs www.facebook.com i www.youtube.com.

Projekta vadeituoja, LRT žurnaliste

Ausma Sprukte